Dragon Ball siamtu Akira Toriyama a thi

Japanese comics lar leh hralh tla ber pawl, Dragon Ball creator Akira Toriyama chu kum 68 mi niin March 1 khan a thi tih Dragon Ball website chuan niminah a tarlang a, a vuinaah pawh a chhungte leh ṭhian hnai tlemte chauh an kal tih a tarlang bawk.

Akira Toriyama hi kum 1980-a Dr Slump a siam aṭangin hriat a ni ṭan a, kum 1984-ah Dragon Ball comic series hi tichhuak lehin, khawvel huapin a lar chho ta a ni. He series hi Son Goku-a'n alien Saiyans ho laka khawvel chhanhim tura magical dragon ball a zawn chungchang a ni. Naupang bakah ṭhalaite lawm a hlawh hle a, cartoon leh film version-te pawh a awm a ni. A cartoon version hi ṭawng chi hrang hranga leh a ni a, Dragon Ball action figure-te chu Japan, China leh Southeast Asia-a toy store-ah pawh hralh kal ber ber an ni. Toriyama hi 'Dragon Quest' co-creator a ni bawk a ni.