Tyla-i'n world tour neih tur a ṭhulh

Grammy winner Tyla chuan March 21 aṭanga world tour neih a tum chu a cancel. April thlaa Coachella-a a perform tur pawh a ṭhulh bawk.

South African singer hian a Instagram-ah world tour a ṭhulh thu hi tarlangin, nikum aṭanga a taksa lama harsatna a neih chu a ziaawm thei lo a, doctor leh specialist-te pawh a hmu fo a, anni hian world tour a neih chuan a na hian a zual phah zel dawn nia an sawi avangin a ṭhulh ta tih a sawi. A ruahman anga a kal thei lo chu hrehawm a ti hle tih sawiin, a team-te ena a dam ṭhat veleh stage lamah inlan a, show ropui tak buatsaih ngei an tum thu a sawi bawk. Tyla hian a single 'Water' chu Billlboard Hot 100-ah no. 1 leh, Billboard U.S. Afrobeats Songs leh Hip-Hop/R&B chart-ah no. 1 a nihpui a, 2024 Grammys-ah khan Best African Music Performance atan thlan a ni bawk. A debut self-titled LP chu March 22 hian a tichhuak ang.