Disney+ Superhero show-ah death metal band hla

Polish death metal band, Decapitated chuan Disney+ superhero TV show-ah an hla hman a ni dawn tih an puang.

Social media-ah hemi chungchang hi tarlangin, Decapitated chuan Dinsey+show, Extraordinary-ah an hla hi hman a ni dawn tih sawiin, he show second season hi Nilaini aṭang khan US-ah Hulu leh hmun danga Disney streaming service-ah pek chhuah a ni. Decapitated hian show-ah hian an hla eng ber nge hman a ni dawn tih an sawi lang lo a, mahse, kum 2022-a an album chhuak, 'Cancer Culture'-a mi tih erawh an sawi thung. He album-a an hla hi TV show/movie-a hman a nih vawi hnihna a ni dawn a, kum 2023 khan Polish movie, 'Ukryta sieć' ah hman a lo ni tawh bawk. Decapitated hian Europe-ah tour an nei mek a, April 16 aṭangin US tour an ṭan ang.