Tyrese Gibson-a'n a fa enkawlna tur sum pe thei lo

Fast And Furious' franchise-a changtu zinga mi, Tyrese Gibson chuan nikuma Hollywood nawrh huaihawt vang khan, a nupui hlui Samantha Lee hnena an fa enkawlna tur USD 10,000 a pek tur chu a pe thei lo tih a sawi.

Kum 45 mi, Gibson hian "Fast & Furious" franchise-a a thawh lai khan a sum lak luh pawh a sang hle a, mahse, kum 2022-a he franchise tihtawp a nih khan a sum hmuh a tlahniam nasa hle tih a sawi. Hemi hnuah nikuma Hollywood actor-te hun rei tak an nawrh khan a nghawng na hle bawk. Kum 2022 hnuah film liam thama channa a nei lo bawk nen, a nupui hlui hnenah child support atana thla tin USD 10,690 pe tura court-in a tih pawh a pe thei lo a, nikum December leh kumin January-ah USD 3,500 chauh a pe niin Samantha chuan a sawi.