Priyanka Chopra leh 'The Boys' actor chang dun dawn

Priyanka Chopra chuan Hollywood film-ah a chang leh dawn tih sawiin, he a film thar 'The Bluff'-ah hian 'The Boys' actor Karl Urban nen an chang dun dawn.

Frank E Flowers direct tur, 'The Bluff' hi AGBO Studios leh Amazon MGM Studios thawh dunna tur a ni a, The Russo Brothers-in a produce ang. 19th century hunlaia hmeichhe pirate hlui (Priyanka) in a chhungte leh an khaw mite pirate-in an beihna laka chhan a tum dan chanchin a ni. A tirah chuan he film-ah hian 'Avatar' star Zoe Saldana a chang dawn nia sawi a ni. June thla aṭang shooting hi an nei ṭan dawn a ni. Priyanka Chopra hi Hollywood film dang, Baywatch, The Matrix Ressurections leh nikuma tihchhuah, romantic comedy Love Again-ah a lo chang tawh a, Richard Madden nena an channa, Citadel season two pawh buaipui mek a ni bawk.