Bad Bunny-a'n concert footage post-tu lakah thubuai theh lut

Puerto Rican emcee, Bad Bunny chuan phalna nei loa a concert footage, YouTube-a lo post-tu, Eric Guillermo Madronal Garrone lakah thubuai a theh lut.

Eric hi February 21-a Salt Lake City, Utah-ah Bud Bunny concert-ah kalin, a perform lai chu video-in a lo record a, heng footage hi a YouTube channel, MADforliveMUSIC-ah a upload a ni. Bad Bunny chuan a live performance music rights chu a nei tih sawiin, Eric hi lo record leh online-a lo post turin phalna pek a ni lo tih a sawi a, a YouTube channel kaltlangin a music chu sum hmuhna atana lo hman tumah a puh. YouTube hnenah pawh Eric-a video post-te chu delete turin a ngen bawk a ni.