Lelte Award sem a ni dawn ta

Mizoram Music Award hlun ber Lelte Award vawi 25-na chu zanin dar 8 hian Vanapa Hall-ah sem a ni leh dawn ta. Tun ṭum hi Lelte Award vawi 25-na (Silver Jubilee) a nih avangin Pathian hnenah lawmthu sawina Rev. Remlalfakaín hunserh a hmang hmasa ang.

Award chi hrang 43 sem a ni dawn a, Young Achiever Award chu mi 14 hnenah hlan an ni ang a, Special Award mi 4 hnenah hlan a ni dawn bawk. Award semna inkhawm hi Daisy Zomawii (LPS) leh Valpuia Fanai (NLN Zokhawpui Champhai) ten an host dun dawn a ni. Kum dang aiin stage pawh chei uar a ni a, Jimmyís Creations-in stage hi an chei.

Lelte Award sem zanah hian Lal Thanzara, Minister chu khuallian a ni ang a, PC Lal≠hmingthanga, Aizawl City Mayor chu kualzahawm a ni thung ang. Vanapa Hall chhung luh man a awm dawn lo a, Hall chhungah erawh Donation bawm hun a ni dawn a, heta sum tlingkhawmte hi Mamita chhungkua P„ eisual vanga vanduaina tawka a dam chhuakte ṭanpui nan hlan a ni dawn a ni. Lelte Award semna inkhawm hi LPS-10 leh Zonet (Rihnim)-ah Live-a tihchhuah tura ruahman a ni.