Priyanka-i'n Padma a dawng

Miss World lo ni tawh, tuna modelling leh Bollywood-a hlawhtling mek Priyanka Chopra chu India presidnet, Pranab Mukherjee chuan New Delhi-ah Padma chawimawina a hlan. Chopra hi cinema-a India tana a contribution avanga hlan a ni a, kum 2003-a The Hero: Love Story of a Spy and Andaaz aṭang khan Bollywood-ah hlawhtlinna a rawn chnag chho a ni.

Chopra chuan, "Award ka dawn tawhah chuan he award hi a la ṭha ber mai. Ka lawm tak meuh meuh a ni," a ti. Chopra hi tunah hian US-ah film changin a awm mek a, award dawng tur hian India-ah a rawn haw zawk a ni. Baywatch film chu siamthar leh a ni a, hetah hian Chopra hi a chang a ni. Padma chawimawina hi mi 56 hnenah hlan an ni a, chung zingah chuan Rajnikanth leh Snia Mirza te pawh an tel a, Thawhlehni khan president hian a hlan.