Alcheringa 2024-ah TADF champion

Indian Institute of Technology (IIT), Guwahati chuan kum tina cultural festival a buatsaih ṭhin, Alcheringa 2024 chu March 7-10 chhung khan a buatsaih leh. Alcheringa, Alcher tia sawi bawk hi 1996 aṭang khan hmang ṭanin, Asia-ah pawh college level cultural event lian ber pawl a ni tawh a ni.

Alcheringa 2024-ah hian sawm an nih angin Tluangpuii Hmar Academy of Fashion and Designing (TAFD) chu inelna pakhat, Vogue Nation hnuaia Houte category-ah telin, hetah hian zirlai leh makeup artist-te an tir a ni. IIT theme thlan sa, Cosmic heroes and villians-ah Romeo & Juliet idea hmangin, March 7 -9 chhunga team 13 inelte zingah a ṭha zual pali thlan chhuahah an tel. Finalist 4-te hian Pathianni, March 10 khan inelna nei lehin, hemi ṭum hian mahni duh ang theme an hmang a, an champion zui ta a ni. Final-ah hian theme pahnih an hmang a, an theme-II hi Lamlian Lehlam tiin, kumpinu sorkarin kan culture leh tradition an nghaisak chungchang an pholang.

TADF team leader leh manager hi Paia niin, a kaihhruaina hnuaiah hian makeup artist Florence flo_candy_glam, Mizoram model chhuanvawr Kimkimi Ralte uapna hnuaiah Ephesi, Chhuangi, Chhantei, Ramdini leh mipa lamah Hmuaka, Daniel, David leh Keovic Victora te an ni. An incheina zo thuam mawi tak piah lamah, an performance ṭha leh mittlung tak chuan hnam dangte mit pawh a la hle.