Oscars 2024 : Award 7 lain 'Oppenheimer' bawk a langsar leh

Film industry-a chawimawina ngaihhlut ber, 2024 Academy Awards, Oscars tia sawi bawk chu Pathianni zan khan Dolby Theatre, Los Angeles-ah sem a ni a, epic biographical thriller, 'Oppenheimer' bawk a langsar leh. 'Oppenheimer' hian nominatoin 13 a hmuh aṭangin award pasarih a la a, heng zingah hian Best Picture pawh a tel.

Nikuma film tihchhuah zinga thawm nei lian leh sum la lut hnem ber 'Barbie' chuan nomination pariat a hmu a, mahse, award hi pakhatah chauh, Best Original Song-ah a dawng. Nomination 10 hmutu, 'Killers of the Flower Moon' chuan award dawng loin, kut bengin an haw ve bawk.

'Oppenheimer' star Cilian Murphy chuan best actor award a dawng a, Irish-born zinga he award dawng thei hmasa ber a ni. 'Poor Things' changtunu, Emma Stone chuan best actress award a dawng thung.

Pathianni zana 96th Academy Awards ceremony hi comedian, Jimmi Kimmel-a'n a host a, ṭum li a host-na a ni.