Box Office : 'Kung Fu Panda 4' in 'Dune : Part Two' knock out

North American box office-ah Po chuan hnehna a rawn chang leh ta. 'Kung Fu Panda 4' chuan tlangzarh karah USD mtd 58.3 la lutin, 'Dune : Part Two' a knock out a, no. 1 a rawn hauh.

2008 'Kung Fu Panda' franchise hi theatre 4,035-ah chhuah a ni a, a original tih lohah chuan tlangzarh kara sum la lut tam ber a ni. 'Kung Fu Panda' khan USD mtd 60 a la lut a, 2011 'Kung Fu Panda 2'-in USD mtd 47.6 leh 2016 'Kung Fu Panda 3' khan USD mtd 41 a la lut thei bawk a ni.

DreamWorks animation series hian global market-ah US dollar mtd 22 a la lut bawk a, tlangzarh karah khawvel huapa a sum hmuh hi USD 80 a tling. Film siamna atan hian USD mtd 85 sen a ni a, a film hmasa dang pathum aiin a tlem zawk a ni. Rotten Tomatoes-ah 69% fresh rating hmuin, CinemaScore-ah audience-te'n A an pe bawk.

'Dune : Part Two' chu kar khat chhung chauh no. 1 ni hma in 'Kung Fu Panda 4' hian no. 1 aṭangin a rawn nekchhuak. Sci-fi sequel hian a kar hnihnaah USD mtd 46 a la hmuh belh a ni. No. 3-ah newcomer, 'Imaginary' a rawn lang bawk a, he supernatural horror film hi Blumhouse Production siam niin, USD mtd 10 a la lut a ni. Catholic missionary Francesca Cabrini biopic, 'Cabrini' chu no. 4-ah a rawng lang a, tlangzarh kara sum hmuh tura an beisei zat a pha lo hle a, USD mtd 7.6 chauh a la lut a ni. No. 1 dinhmun pawh lo hauh tawh, reggae artist Bob Marley biopic, 'Bob Marley : One Love' chu no. 5-ah la awmin, USD mtd 4.1 a lak luh belh leh. He film hian khawvel pumah USD mtd 160 a la lut tling tawh a ni.

North American Box Office Top 10:

1. "Kung Fu Panda 4" - $58.3 million

2. "Dune: Part Two" - $46 million

3. "Imaginary" - $10 million

4. "Cabrini" - $7.6 million

5. "Bob Marley: One Love" - $4.1 million

6. "Ordinary Angels" - $2 million

7. "Madame Web" - $1.12 million

8. "Migration" - $1.1 million

9. "Yolo" - $840,000

10. "Wonka" - $600,000