North West-i'n album siam dawn

Kim Kardashian leh Kanye West-te fa upa ber, North West chuan a pa hnung zuiin zai lam a tuipui chho a, album siam a tum thu a pain 'Vultures 2' listening party a huaihawtah a puang a, a album hming tur pawh 'Elementary School Dropout' a ni tih a sawi nghal bawk.

Kum 10 mi, North hi Kanye West leh Ty Dolla $ign-te joint album-a 'Talking/Once Again'-ah lang vein, February thlaa track music video an tihchhuahah pawh a inlan a ni. 'Talking/Once Again' hi Billboard Hot 100-ah no. 30-ah a lang a, hei vang hian North hi chart-a artist lang thei naupang ber a nih phah bawk.