Billboard 200 : Mogran Wallen 'One Thing At a Time'-in record a siam

Billboard 200 album chart tharah, Morgan Wallen chuan 'One Thing At a Time' album chu no. 1-ah rawn lanpui lehin, country star hian Billboard 200 chart-ah no. 1 ni rei thei ber record a rawn siam ta.

Kum 30 mi, Morgan Wallen hian he album hi March 3, 2023 khan a tlangzarh a, no. 1 a rawn nih leh tak avangin a zawn loin kar 19 chhung chu chart chungah a awm ta a ni. Kar liam ta khan 'One Thing At a Time' hian US-ah equivalent album unit 68,000 a nei leh a, he album-a hla 36-te chuan on-demand official stream mtd 89.63 neiin, album sale 2,000 a nei leh bawk.

Noah Kahan 'Stick Season' chuan equivalent album unit 53,000 neiin, no. 4 aṭangin no. 2-ah a rawn chho. Kanye West and Ty Dolla $Ign's "Vultures 1" chu no. 3-ah awmin, equivalent album unit 53,000 bawk a nei. SZA 'SOS' pawh no. 4-ah rawn chho lehin, Drake 'For All the Dogs' chu no. 5-ah a chhuk thung.

Billboard 200 Top 10-ah hian Taylor Swift album pahnih, '1989 'Taylor's Version' leh 'Lover' an la lang a, Zach Byran self titled album bakah, Morgan Wallen album dang, 'Dangerous : The Double Album' bakah Travis Scott album thar ber an la lang bawk a ni.