'The Batman 2' chhuah hun kum khatin titlai

Kum 2023-a Hollywood actor leh writer-te nawrh chuan film tam tak a la nghawng zel a, Warner Bros. Discovery pawhin an film thar, 'The Batman 2' chu kum 2026-ah zawk an tichhuak dawn tih an puang.

Robert Pattinson chu he sequel-ah titular superhero a ni dawn a, ruahman lawk dan chuan nakum October 3-a tihchhuah an tum. Mahse Hollywood lam nawrh avangin nikum chhungin hma an la mumal thei lo a, hei vang hian film chhuah hun tur pawh kum khata titlaiin, October 2, 2026-ah tihchhuah a ni dawn ta zawk a ni. Hemi rual hian studio chuan 'The Batman 2' chhuah hun tura an lo ruahman lawk, October 3, 2025-ah chuan Christian Bale, Jessie Buckley leh Peter Sarsgaard-te channa 'The Bride' zawk chu tihchhuah a ni thung dawn tih an sawi a, he film hi Maggie Gyllehaal direct a ni.