Bafta Games Awards 2024 : Gate 3 leh Spider-Man te'n nomination hmu hnem

Gaming industry-a hun pawimawh, Bafta Games Awards 2024 chu April 11 zan hian London-ah neih a ni dawn. Comedian, Netflix stand-up special Phil Wang-a'n a host dawn a ni. Show hi Bafta YouTube, Twitch leh X channel-ahte live-a pek chhuah a ni ang.

Bafta Games Awards 2024 atan hian nomination pawh puan a ni tawh a, Baldur 'Gate 3' chuan nomination 10 hmuin a hmu hnem ber a, Sony hit sequel 'Spider-Man 2'-in nomination pakua a hmu bawk. Alan Wake 2-in nomination pariat, The Legend of Zelda: Tears of the Kingdom leh Star Wars Jedi: Survivor te chuan nomination paruk ve ve, Dave the Diver leh Hi-Fi Rush te'n nomination panga ve ve an hmu bawk a ni.

Digital entertainment and retail association (ERA)-in a tarlan danin, nikum chhunga UK-a gaming sale chu £ tld 4.7bn a tling a, music industry sum lak luh let zet a tling pha a ni. Rin loh taka rawn hit em em, Baldur 'Gate 3' hi Dungeons and Dragons based a ni a, 2023 Game Awards-ah pawh top award a lo dawng tawh bawk.

Bafta Games Awards hi khawvel puma games developer, artist, actor leh composer te huapa siam a ni a, UK ram chhung bika siam tan category hran siam tel a ni bawk. Category khatah hian big-budget games leh independent title-te pawh an awmho fo a ni. Kumina award sem tur hian nikum chhunga games tihchhuah a huam vek a, nikum kha games thar chhuah ṭhat ber kum zingah sawi tel a ni.

Kumina award sem tura Best British Game nominee-ah hian Dead Island 2, Disney Illusion Island, Football Manager 2024, Viewfinder, Warhammer Age of Sigmar: Realms of Ruin, leh Cassette Beasts-te an lang.