A-list actor ṭhenkhat Asian star-te ngai pawimawh lohah puh

2024 Oscars ceremony neih zawh takah khan Hollywood A-list actor-te chu award hlantu, Asian star-te ngai pawimawh lo leh zah tawk loah puh an ni.

Asian star-te laka an awm dan an sawisel zingah hian Robert Downey Jr., Emma Stone leh Jennifer Lawrence-te an tel. Actor Ke Huy Quan chuan Robert Downey Jr. hnenah hian 'Best Actor in a Supporting Role' award a hlan a, stage-a award a hlan hnuah tihdan phung pangngai; winner-te'n presenter-te an biak ṭhin ang pawh Downey hian ti ve loin, a ngaihsak zui lo a ni.

Asian actor, Michelle Yeoh chuan 'Best Actress' award dawngtu Emma Stone hming a puang a, mahse, stage-ah Jennifer Lawrence zawkin award hi a lo hlan bawk. Stone leh Lawrence-te hi Michelle Yeoh ngai pawimawh tawk loa puhin sawi zui pawh an hlawh a, mahse, hemi chungchang hi Yeoh chuan a hnuah Instagram lamah rawn sawi fiahin, Stone leh Lawrence te chu ṭhian ṭha tak an nih avangin award hi a hlan chhawn turin Jennifer Lawrence chu a pe zawk niin a tarlang.