'Exhuma' entu an pung chak

Korean occult horror film, 'Exhuma' chu box office lamah a che ṭha chho hle a, February 22-a tihchhuah chauh ni mah se, thla khat pawh a tlin hmain Korean film entu ngah 25-na a ni pha tawh.

Korean Film Council chuan March 16 thleng khan 'Exhuma' hian entu mtd 9 chuang a nei tawh tih sawiin, kumina Korean film chhuak zingah entu mtd 9 chuang nei pha awmchhun leh, Korean horror film zingah entu ngah ber a ni der tawh a ni. Kum 2023-a Korean box office-a che ṭha ber, '12.12: The Day' aiin entu maktaduai 9 tling tur hian hun a duh rei lo zawk. 'Exhuma'-ah hian Choi Min-sik, Kim Go-eun, Yoo Hae-jin leh Lee Do-hyun te an chang a, director leh sript writer hi Jang Jae-hyun a ni.