Japan-ah RRR show ticket second 60 chhungin an hralh zo

SS Rajamouli epic film, 'RRR' chu tihchhuah a nih aṭangin kum hnih ral tawh mah se, ram hrang hrangah boruak a la nei lian zel. Vawiin hian Japan-ah special show an nei dawn a, hemi atana March 13-a advance ticket sales an neih chu minute khat chhungin an hralh zo diak.

RRR hi fictional story, revolutionary freedom fighter pahnihin British sorkar rorelna an do let chungchang a ni a, he film-ah hian Ram Charan leh Jr. NTR te an chang a, anni bakah, Alia Bhatt, Ajay Devgn leh Shriya Saran-te pawhin supporting character an chang bawk. Japan ram theatre-ahte kum khat leh a chanve chuang chhuah an ni tawh a, mahse, vawiina special show an neih turah hian director SS Rajmouli a inlan dawn avangin ngaihven a hlawh thar lehzual a ni. RRR hian khawvel huap pawhin award eng emaw zat a dawng a, Golden Globe Awards leh Critics' Choice Movie Award bakah, Oscar-ah Best Original Song award a dawng tawh bawk.