Favorite New Music-ah Timberlake 'Everything I Thought It Was'

Billboard music poll-ah, kar liam taa hla chhuak thar zingah fan-te'n an hla duh ber an thlan chu Justin Timberlake 'Everthing I Thought It Was' a ni.

Music fan-te vote lakah hian, kum 42 mi pop star hla thar hian vote 61% a hmu pha a, Kacey Musgrave 'Deeper Well', Cardi B 'Enough (Miami)', Zayn Malik 'What I Am', Willow 'Symptom of Life' leh Partynextdoor 'Real Women' te'n an dawt. Timberlake hian kum 2018-a a album hnuhnung ber, 'Man of the Woods' a tihchhuah hnuah kar liam ta khan a hla thar hi a tichhuak ve leh chauh a ni. Billboard Hot 100 chart-ah pawh no.19-ah lanpui nghalin, kum ruk chhunga a hla, tihchhuah kara chart-a thleng sang ber a ni. Top 40-ah hian hla 29 a nei tawh bawk.