Theo James-a'n social media a khawih loh chhan sawi

Netflix series thar, 'The Gentlemen' changtu, Theodore Peter James Kinnaird Taptiklis, Theo James tia hriat lar hi lemchan khawvelah chuan a hming a langsar a, fan-te pawh a ngah hle. Social media lamah a fan page ṭhahnem tak a awm a, hetih lai hian amah erawh chuan social media a khawih lo thung.

Theo James chuan, "Social media ka khawih ngai lo. University-ah khan thla ruk vel chu Facebook ka hmang ve maithei," tiin mi 'private' tak a ni a, a chungchang midang hnena share chu a duh dan a ni ve lo tih a sawi. Hemi rual hian a hmang duhte tan, social media chu thil ṭangkai tak a ni thei tih erawh a pawmpui thu a sawi. 'The Gentlemen' series hi 2019 film version 'The Gentlemen' spin-off niin, kum 39 mi Theo hi Duke of Halstead, Eddie Horniman lemah a chang a ni.