Box Office: 'Kung Fu Panda 4'-in ro a rel chhunzawm

North American box office-ah 'Kung Fu Panda 4' chuan a kar hnihna atan ro a rel chhunzawm. Kar hnihnaah hian theater 4,067 aṭangin USD mtd. 30 a lak luh belh a ni.

Animated adventure hian international-ah USD mtd. 39.6 a hmuh belh leh bawk a, ni 10 chhunga khawvel huapa a sum lak luh hi USD mtd. 176.4 a tling der tawh.

No. 2-ah Timothee Chalamet leh Zendaya Coleman-te channa,'Dune : Part Two' a la lang bawk. Sci-fi epic hian theater 3,847 aṭangin USD mtd. 29.1 a lak luh belh. Tlangzarh aṭanga kar thum chhungin North America-ah USD mtd. 205.3 a hmu chhuak tawh a, ram pawn lama a sum hmuhte nen chuan USD mtd. 497. 7 hmu tling tawhin, 'Dune' sum hmuh a khum der tawh a ni.

Liongate 'Arthur the King' chu no. 3-ah a rawn lang. Mark Wahlberg channa hian beisei a pha lo a, theater 3,003-ah chhuahin USD mtd. 7.5 a la lut. Mahse review lamah a hmu ṭha thung a, CinemaScore-ah audience-te'n 'A' an pe. USD mtd. 5.6 la luttu, Blumhouse 'Imaginary' chu palinaah awmin, supernatural horror flick hian North America-ah USD mtd 19.1 a hmu chhuak tawh a ni. Panganaah Angel Studio faith themed drama, 'Cabrini' a la lang bawk.