'Birthplace of heavy metal' Birmingham pub historical status pe

Birmingham, UK-a pub, 'The Crown' chu 'birthplace of heavy metal' tih niin, he hmun hi Black Sabbath-in gig an neihna hmasa ber a ni bawk. He pub hi historical status pek a ni ta a, humhalh a ni zui dawn a ni.

'The Crown' pub-ah hian kum 1968 khan Black Sabbath chuan an show hmasa ber neiin, hetih lai hian Earth tih an la ni. He pub-ah hian mi lar dang eng emaw zat an perform tawh bawk a, an zingah hian Led Zeppelin pawh an tel. He hmun hi kum 2014 khan ṭhiah tumna a awm a, mahse, pub hi ṭhiah a nih loha, humhalh a nih theihna turin mi tam takin petition a sign a, hemi hnu hian UK sorkara Department for culture, media and sport chuan he building hi Grade II status a pe ta tih Historic England chuan a sawi. Historic England hi England-a hmun pawimawh hrang hrang humhalh hna thawktu a ni. Grade II status pek building hi hmun pawimawh, a theih ang anga humhalh tur tih an ni.