Jisoo-i'n YouTube aṭanga a sum hmuh charity tan hlan

Blackpink member, Jisoo chuan a YouTube channel aṭanga a sum hmuh chu midang ṭanpuina turin a pe vek.

Jisoo hi thilphal tak, midang ṭanpuina kawnga che chhuak fo a ni. Tun ṭumah hian ṭanpuina hi Save the Children hnenah a hlan a, he organisation hian Jisoo sum pek hi Vietnam-a Ca Mau region-a mangrove forest siamna atan hman an tum. Jisoo hian kumin January thla aṭang khan YouTube channel a siam chauh a, subscriber hi mtd 4.9 a nei tling der tawh a ni. He channel aṭanga a sum hmuh chu midang ṭanpuina atana pek ṭhin a tum thu pawh a lo sawi lang tawh a ni. Jisoo hi rimawi bakah lemchan lamah pawh a kir dawn a, K-drama 'Influenza'-ah a chang dawn a, he drama-ah hian Park Jung-min leh Kim Joon-han te nen an chang dawn a ni. Hei bakah Lee Min-ho nen Omniscient Reader's Viewpoint-ah an chang leh dawn bawk.