'Love has no boundaries' OST a chhuak

Mizo film chhuak thar tur, 'Love has no boundaries' OST 'Beidawng suh' tih chu tihchhuah a ni ta.

'Beidawng suh' hi Mendal phuah leh sak a ni a, recording leh music hi Smiley kut chhuak niin videographer Zothana Hmar a ni a, editing hi Fadyo Picture's Production khawih a ni bawk. 'Love has no boundaries' hi lemchan khawvela hriat hlawh tak, C. Hmingthangvunga direct leh produce a ni a, April 11-ah release tum a ni. He film hi Gorkhali nula leh Mizo tlangval inngaihzawnna, Mizo nula pakhat a bialpain a hralh rukna lak ata a chhuah dante tarlanna tur film a ni.