Billboard 200: No. 1-ah Ariana Grande album thar

Billboard 200 album chart tharah, Ariana Grande album thar, 'Eternal Sunshine' chu no. 1 a ni. Grande hian no. 1 ni thei album paruk a neihna a ni ta.

Kum 30 mi,'No Tears Left to Cry' singer hian a album hi March 8 khan a tichhuak a, a studio album pasarihna a ni. Kar liam ta chhung khan US-ah equivalent album unit 2,27,000 neiin, a hla 13-te chuan on-demand official stream maktaduai 194.92 neiin, album sales hi 77,000 a ni.

No. 1 dinhmun hauh rei thei record lo siam tawh, Morgan Wallen 'One Thing at a Time' chu no. 2-ah a tla thla a, album a tihchhuahna kum khat chuang ni tawh mah se, kar liam ta chhungin equivalent album unit 68,000 a la nei pha. No. 3-ah Noah Kahan 'Stick Season' awmin, equivalent album unit 48,000 a nei bawk. Kanye West leh Ty Dolla $Ign thawh dunna, 'Vulture 1' chu no. 4-ah a tla thla a, no. 5-ah SZA record titled 'SOS' a lang bawk.

Chart-ah album lang thar dang awm loin, Top 10-ah hian Zach Bryan, Drake leh Taylor Swift-te album an awm chhunzawm a ni.