Live-action 'Popeye' film buaipui mek

Fictional cartoon character, Mizoramah pawh kan hriat lar, Popeye live-action film chu buaipui mek a ni.

Chernin Entertainment leh King Features chuan big-budget movie tur hi an buaipui a, screenwriter atan Michael Caleo ruat a ni, director leh a changtu turte erawh sawi chian an la ni lo. Hei hi kum 1980-a Popeye movie, Robin Williams leh Shelley Duval-te channa chhuah hnua franchise live-action release hmasak leh ber tur a ni. Robert Altman-a direct film hi USD mtd. 20 budget-a siam a nih laiin, khawvel huapa a sum hmuh hi USD mtd 60 a tling a ni. Popeye hi 1929 comic 'Thimble Theater'-ah lang hmasa berin, kumin hi a kum 95-na tur a ni tawh.