Sara Ali Khan-i'n fak a hlawh

Lakme Fashion Week neih zawh takah Bollywood actress-te an inlan leh a, a bikin Sara Ali Khan chuan fak zui a hlawh hle.

Mumbai-a Jio World Convention Centre, Bandra Kurla Complex (BKC)-ah kar liam ta khan neih a ni a, Sara Ali Khan, Ananya Panday leh Madhuri Dixit te pawh an inlan a ni. Sara Ali Khan hian Arvind Ampula leh Sakshi Bhati kutchhuak hain ramp a rawn zawh a, a taksaa kanna ser chu thup loin, inringtawk takin a rawn walk. Sara hian tun thla tir lam khan coffee sain a dul chung deuhah a inleih palh a, hei hi kangin a ser zui a ni. Hei hi Lakme Fashion Week-ah hian thup bo lo a, huaisen taka a tihlan ngam avangin Sara Ali Khan hian fak a hlawh zui hle. Ananya Panday pawh grand finale-ah Rahul Mishtra tan showstopper niin a inlan a, Madhuri Dixit pawh Day 5-ah Ranna Gill pansuit nen ramp a rawn zawh ve bawk a ni.