MALTA Band member boralte pualin tribute concert

March 23, 2024 (Inrinni) zan dar 7 hian Dawrpui Multipurpose Hall-ah Mizo band hriat hlawh, MALTA band member boral tate - K. Lalzamlova (Je-Lo) Rythm Guitar, Lalnunpuia (Tuka) Drummer leh Lalhmangaiha (Lalhmaa) Vocal-te pualin tribute concert buatsaih a ni dawn.

Tribute concert-ah hian tunlai zaithiam leh band lar tak takte bakah hranghlui zaithiamte an inlan dawn. Inlan tur zingah hian Hyde Inn band, Evenflow, Henry Thanzaua and Zaiawi band, Trio (Hmingtea, Mapiana, Maenga), Fela Colney, Michelle Varte, Zaii Hauchhum, H.O.M, Smiley, David Darlong, Mathlenga, Vanlalhmangaiha, Rpi Tlau, Sangmama Jahau, Johan H. Lalmalsawma, Mathlenga, Thartei Chhangte leh Zira Varte te an tel.

Dawrpui Multipurpose Hall-ah hian ticket siam hran a ni dawn lo a, a hmunah ṭanpuina bawm hun a ni thung ang. MALTA band boral tate ralna pe duh tan Gpay hmangin ralna a pek theih dawn bawk a ni. He programme hi LPS-ah live a ni dawn a, KC Video Production YouTube channel-ah live stream a ni bawk ang.

MALTA band hi Mizo mipuite lawm hlawh tak, an hla hmanga mipuite tihlim ṭhin an ni. Zoram pum an deng chhuak a, an hla lar zingah hian tun thlenga lawm leh sak hlawh tak tak 'Rotuiburi', 'Ka u Liana', 'Ṭhuamṭingtanga', 'Di Tawng lo Val' leh 'Hrangkekuali' te an tel.