James Bond thar atan Aaron Taylor-Johnson sawi ri

British secret agent, James Bond lema chang tur zawnnaah hming sawi rik hrang hrang a awm reng a, tun hnaiah Aaron Taylor-Johnson chu 007 a ni dawn nia report a awm leh.

James Bond film hnuhnung ber, 2021 'No Time to Die' film-a 007 anga Daniel Craig a inlan hnuah, James Bond series chuan secret agent changtu thar tur hi an zawng a, mahse, tun thlengin tihfel a la awm lo. British mi ngei a ngaih avangin, British actor hrang hrangte pawh sawi rik an lo ni tawh a ni. Tun hnaiah Taylor-Johnson hming sawi rik a rawn ni leh a, kum 2022 khan Pinewood-ah screen test a nei nia sawi pawh a awm. Taylor-Johnson hi High Wycombe, Buckinghamshire chhuak niin Kick-Ass leh Marvel film franchise aṭanga hriat hlawh a ni. 2000 film The Apocalypse-ah changin, 2008 teen flick Angus, Thongs And Perfect Snogging leh , 2022 action film Bullet Train-ahte a lo chang tawh bawk.