Robert De Niro leh vaccine duh lohna

Tribeca Film Festival neih turah Robert DeNiro chuan documentary film 'Vexxed' chu screen a tum a, hei hian sawi a hlawh hle. He film hi nausen vaccine pek hian natna leh harsatna anmahniah a thlen thei a ni ‚wm mang e tih lampang a ni, medical lama mithiamte nen tunlai hian an inbeih phah hle.

DeNiro hian fapa a nei a, a fapa hi natna chi khat, Autism nei a ni a, biak an harsa a, midang biak pawh an harsat a, nunhona leh tihkhawmah te harsatna tam tak he natna neite chuan an nei ṭhin. Hemi chungchang hi a documentary film-ah hian a tarlang a ni.

Vaxxed hi British mi, doctor ṭhin, Andrew Wakefield-a chuan a direct a, ani hi vaccine-in naupangteah autism a thlen thei a ni tih article a tihchhuah avanga hun rei deuh tawha a medical license an hlihsak a ni. Amah≠erawhchu mithiamte dang≠te chuan a article ziak hi a dik lo niin an sawi a, Wakefield erawh a ṭanna ngaiah a la ṭang reng.

DeNiro chuan a documentary film hi vaccine duh lohna lantirna a ni lo tih sawiin, thudik a hriat duh avanga siam a ni tih a sawi.