Maruti Suzuki bawk India-ah a hmahruaiah

Kum 2015-2016 chhunga car hralh chhuahah Maruti Suzuki chu a hmahruaitu bawk an ni leh a, India ram pumah an car siam chi hrang hrang maktaduai 1.3 zet an hralh chhuak a, kum hmasa aiin zaa 11.5 zetin an hralh hnem zawk a, thla 12 chhunga an la hralh hnem ber ṭum a ni.

Celerio an fak a, an hralh hnem viau nachungin Alto bawk hi an hmingthanpui a la ni reng a, he car hi chawhrualin kum tin 250,000 hralh ang an ni. Hetihlai hian Swift erawh kum dang a tluk lo a, kum kalta kha an hralh tlem ber ṭum a ni tlat. Dzire hralh a pung hle a, kum hmasa aiin a letin an hralh hnem.

India-a car chi hrang hrang hralh hnem top 5-ah hian Maruti kutchhuak ni lo lang awm chhun chu Hyundai Grand i10 chauh a ni a, Mahindra kutchhuak Bolero dinhmun a rawn luahlan. Mahindra hian TUV leh KUV an tichhuak a, hei hian an kutchhuak dang a l‚n deuh pawh a ni mai thei.

Hralh chhuah pun lamah chuan Hyundai Elite i20 hi an hralh pung chak hle a, a hma kum aiin kum 2015-16 chhunga an hralh punna hi 46% zet a ni.