Another Brick in the Wall
Pink Floyd sawi reng renga an hla lo lang hmasa ber fo ṭhin chu 'Another Brick in the Wall' hi a ni. He hla chanchin ngah tak mai hi sorkar hialin a khap a ngaih phahna ram a awm a, khawvela hla ropui ber ber thlan chhuah zingah pawh Pink Floyd hlapui tih hial tlak hi a lang a ni.
Kum 1979-a Pink Floyd album 'The Wall' tihlutu leh tiropuitu chu 'Another Brick in the Wall' hla hi a ni. Part pathuma ṭhen a ni a, Part I-ah hian hun kal tawh tarlanna (Reminiscing) lam kan hmu a, Part 2-ah chuan zirna lam (education) kan hmu thung a, Part 3-ah hian drugs kan hmu thung. Heng hlate hi Pink Floyd bassist, Roger Waters-a phuah te an ni. Another Brick in the Wall part pathum zingah hian Part 2 hi Mizoram thlenga kan hriat lar ber a ni a, he hla hi chanchin ngah ber pawh a ni.
Part 2 bik hi Roger Waters hian Cambridgeshire School-a a kal laia a thil nin leh zirna kalphunga a duh loh thil aṭanga a phuah chhuah a ni. Grammar bik hi a ning em em a, chu mai bakah an zirtirtute chuan naupangte zirna aiin ngawi ṭhapa school leh class room-a an awm theih kha an ngai pawimawh zawk a ni. Kum 2009-a Mojo-in an kawmnaah Waters chuan, "He khawvelah hian kei aia zirna ngai pawimawh an awm thei chuang lo ang. Mahse 1950 chhoa grammar school-a zirna hmun chu inthununna hmun a nih mai bakah thil ph˚t hlirin a khat emaw tih tur a ni. Zirtirtute chu an ṭha t‚wk lo bawk nen, beih ber an ni rÍng a ni. He hla hi sorkar kalphung dik lo laka helna a ni a,mite chunga thuneihna neia dik lo taka ti ṭhinte beihna hla a ni," tiin a sawi.
'Another Brick in the Wall' hla hi Pink Floyd hian single-a tihchhuah an hreh hle a, he hla chauh ni loin, an album-a hla awmte hi single-in an tichhuak duh mang mang lo. A chhan pakhat chu an hlate, a artwork zawng zawng, album khata mi hi chu inpumkhat vek a ni tih hi an ngaihdan a ni a, hla mala an tihchhuah hian an album hlutna a tichhiain, album ai hlawhtlinna leh larna tur a hliahkhuhah an ngai a ni. Mahse an producer Bob Ezrin chuan a thlemthlu thei hlauh a, single-in an tichhuak ta a ni. Hemi hnu hian single an tichhuak chhunzawm vak chuang lo a, 'Run Like Hell' album aṭang khan hla pakhat leh, 'Comfortably Numb' album aṭangin hla pakhat dang an tichhuak leh chauh. Hengte avang hian Billboard single chart lamah hnuhma an hnutchhiah mang lo a, 'Another Brick in the Wall' hi pakhatna hauh thei an single awm chhun a ni.
Kum 1980 chho khan South Africa ram chu a thim hle mai. A ram mihring zaa 25 vel mingo an ni a, chung mite chuan sorkarna leh thuneihna an chang a, midumte chu nasa taka rahbeh an ni; chutianga chi inthliarna chu S. Africa-ah chuan Apartheid tiin an sawi ṭhin. School-ah pawh chi inthliarna a awm zel a, mi≠ngo leh midum chu nasa taka en hran an ni. Vun rawng avanga inthliarna hi nasa takin S. Africa chuan a do a, chutihlaia an hlapui ber chu 'Another Brick in the Wall' hi a ni. Hetiang hi a nih avangin kum 1980 May 2 khan South Africa sorkar chuan he Pink Floyd hla hit hi an rama tihchhuah, zawrh chhuah leh play khapna thu a tichhuak hial. Tichuan khap a ni zel a, intluktlanna a awm a, kum 1994-a inthlan an neih a, zalenna a awm hnu aṭang chauhin South Africa-ah chuan 'Another Brick in the Wall' khapna hi an hnuk kir chauh.
Zirna kalphung fuh lo te, inthliar≠na leh induhsak bikna te, sorkar kalphung felhlel zawng zawngte hi daidantu banga leirawhchan pakhat ang ṭheuh an lo ni!