Ui ngaina tana en chi 'Arthur the King'

Mark Walhberg film thar, 'Arthur the King' hi mihring leh ui inzawmna ril tak pholanna niin, ui ngaina tak tak tan chuan en ngei chi a ni.

2024 American adventure film,'Arthur the King' hi Simon Cellan Jones direct a ni a, Michael Brandt ziah niin, 2016-a non-fiction lehkhabu "Arthur - The Dog Who Crossed the Jungle to Find a Home," Mikael Lindnord-a ziah aṭanga siam a ni. Mark Wahlberg, Simu Liu leh Juliet Rylance te an chang ho a ni. Adventure racing team captain-in ui vakvai, hliam tuar Arthur a tawng a, Dominican Republic kal tlanga mel 435 (km 700)-a thui an kalnaah endurance race team bulah hruai tel vein, an zinkawng hahthlak takah Arthur hian awmpuiin a ṭawiawm a, racing team nen hian inzawmna thuk tak an nei chho ta a ni. March 15 khan US-ah tlangzarh niin, box office lamah a che ṭha thawkhat hle a, RemPham'Ly Cinema Aizawl-ah pawh March 22 aṭang khan pek chhuah a ni bawk.