Princess of Wales-in in lam aṭangin hna thawk ṭan tawh

Princess of Wales, Kate Middleton chu a inzai avanga hun rei tak pawn chhuak loa a awm hnuah in lam aṭangin royal duty a ṭan leh tawh. Official erawh chuan a public duty-te la chhunzawm lo mah se, in aṭangin The Royal Foundation Centre for Early Childhood tan a thawk leh ṭan tawh a ni.

Kumin January 16-a abdonimal surgery a neih hnuah Kate hi mipui hmuhah a la inlan leh lo a, hei vang hian khawthlang lam media chuan a chungchang hi thu hrang hrang an thehdarh nasa hle a, a dinhmun a ṭha lo ni tein ṭhenkhat chuan an sawi. Ningani khan lal chhungkua lam chuan ṭhat lam a pan zel thu an sawi a, mahse, Easter hma chuan mipui hmaah a la inlan a rinawm lo thung. March 31-a royal family-in an tihdan phung anga private church outing an neihah a inlan tawh maithei nia sawi a ni bawk.