'Exhuma' a la che ṭha chhunzawm

Korean horror film, 'Exhuma' chu tlangzarh anih aṭangin ni 31 chhung chu Korean box office-ah No 1 a la ni chhunzawm zel a, nimin khan he film entu hi mi maktaduai 10 an tling tawh tih Korean Film Council chuan a puang.

'Exhuma' hi kum 2024-ah entu, maktaduai 10 nei tling film hmasa ber a nih bakah, Korean occult horror film zingah 10 million mark thleng thei hmasa ber a ni bawk. Korean film zingah entu mtd 10 nei tling 23-na a ni a, hei hi ni 31 chhung lekin a nei pha a ni. He film-ah hian Choi Min-sik, Kim Go-eun, Yoo Hae-jin leh Lee Do-hyun te an chang a, director hi Jang Jae-hyun a ni. A sum lakluh hi USD mtd 67.3 a tling tawh a ni.