Hma hruaitu Asanga Project ft Fawni Ralte 'Kan nunhlui'

Khiangte Construction Ṭhazual Lengzem chart tharah, Asanga Project ft. Fawni Ralte 'Kan nunhlui' chuan hma a hruai.

'Kan nunhlui' hi hun eng emaw chen chart-ah a lang tawh a, hma rawn sawn zelin pakhatna dinhmun a rawn hauh ta a ni. He hla hi Asanga phuah niin, recording hi Westend Studio-ah an ti a, a music video hi Osiama Pictures siam a ni thung. Kumin February 19 khan music video hi YouTube-ah an dah a ni. A hla a mawi a, a satuin a thiam a, a music arrangement a nalh bawk nen, thlir leh ngaihthlak a inchhirawm loh hle. Hla dang ṭha tak tak an rawn tihchhuah belh zel beisei ang.

Chart hmasa lama no. 4, Omomi Khiangte 'Ka suihlung a leng lawng e' tih chu chart tharah no. 2-ah a rawn inhlangkai bawk a, a hla phuahtu hi Robert Lalnghakliana a ni. F. Zomuanpuia 'Bâl an chhum (X-Ray)', Drac Frost ft. Lunghlutei 'Nipui hmangaihna' leh Grace 10:45 'A vulmawi si' te pawhin hma an rawn sawn a, Top 5-ah an rawn lang.

Youngfella 'Pasalṭha (OST)' chu chart-ah a rawng lang thar a, no. 6-ah a rawn awm. Nicholas & Nunui, Ruth Roluahpuii leh Mabiaki Pachuau te pawh kan la hmu chhunzawm zel a, anni bakah Lalhmangaihzuali (Nunu-i) chu chart-ah rawn lang thar ve bawkin, Top 10 a rawn khar.