Miss Mizoram 2024 audition neih a ni

Miss Mizoram 2024 thlanna kal chho mekah nimin, March 25 (Thawhṭanni) khan Hyve City Hall, Aizawl-ah Audition Round neih a ni. Audition Round hi open niin, Mizoram pum huap a ni.

Audition Round-ah hian dilna thehluttute zing aṭangin mi 10 chuang judge-te hmaah an inlan a; Audition result hi March 27, 2024 (Nilaini) zanah ZONET TV-ah leh Miss Mizoram social media-ah puan a ni dawn a, final rounds-a tel turte hriat chian theih a ni tawh ang. Miss Mizoram 2024 contest hi April thla tir lam aṭanga tan tum a ni ang.

Miss Mizoram 2024 thlanna kal mekah hian District MJA hrang hrangte'n an district aiawha tel turte an thlang mek a, district ṭhenkhat chuan an puangzar tawh a ni. District aiawha thlante hi final rounds an lut nghal a ni.