Saudi Arabia-ah Dragon Ball theme park siam dawn

Saudi Arabia sorkar chuan Japanese animated series lar, 'Dragon Ball' theme park chu an ramah an siam dawn tih a puang.

Park hi ram square meter nuai 50 chuanga zauah siam tum a nih thu Qiddya Investment Company (QIC) chuan a sawi a, he project atan hian QIC leh Dragon ball producer, Toei Animation chu an thawk dun dawn a ni. Park lai takah dragon lem, feet 229.6 a sang dah tum a ni a, dragon chhungah hian roller coaster dah tel a tum a ni bawk. Park siamna hmun tur, Qiddiya hi Saudi Vision 2030 programme hnuaia Saudi Arabia khawpui, Riyadh bula entertainment and tourism mega-project an siam a ni.