Millie Bobby Brown-i'n a channa film a en ngai lo

Film star lar chho mek, Millie Bobby Brown chuan a channa film a en ngai loh thu a sawi.

'Stanger Things' actor, kum 20 mi Brown hi a film thar ber, 'Damsel' chu Netflix-ah a che ṭha hle a, UK-a Netflix top 10 film-ah a lang chho tawh a ni. He film-ah hian princess-ah a chang a, ram dang lal fapa pasala nei tur a nih laiin, hei hi a laka thang an kamna a lo ni a, dragon beihna laka dam khawchhuak tura a beih dan chanchin a ni. Viewer lam fak a hlawh hle a, heti chung hian Brown hian he film hi a la en loh thu a sawi a, "Movie hi ka en ngai vak lo hrim hrim a, keima channa movie pawh ka en lo," a ti. Hetih lai hian a pasal hual, Jon Bon Jovi fapa, Jake Bongiovi erawh movie ngaina tak a nih thung thu a sawi. 'Nilengin movie a en thei, kei chuan ka thei ve lo. Movie en tura ṭhut reng hi ka thei ve lo," tiin a, a en ve chhunah pawh thil dang a tih pah zel thu a sawi.