Kevin Hart hnenah Mark Twain Prize For American Humor

American comedian Kevin Hart chu Pathianni khan The Kennedy Center chuan Mark Twain Prize for American Humor 2024 a hlan.

Kum 44 mi, Hart hi he chawimawina dawngtu 25-na a ni a, a hmaa lo dawng tawh zingah Adam Sandler, Whoopi Goldberg, Jon Stewart, Will Ferrell, Eddie Murphy leh Carol Burnett te an tel.

'Ride Along', 'Central Intelligence' leh 'Fatherhood' film aṭanga hriat lar, Hart hi comic, movie leh television bakah, producer leh business lamah a hlawhtling hle a, kum 2022 khan media company HARTBEAT a lo din tawh bawk a ni.

Mark Twain Prize hi Ameican humor lama thawh hlawkte hnena hlan ṭhin a ni a, Kennedy Centre president Deborah F. Rutter chuan kumina he chawimawina dawng tura an thlan, Kevin Hart chu kum sawmthum chuang America leh khawvel pum tihlimtu leh tinuitu a lo ni tawh a ni, a ti.