Federal Agent-te'n Sean Combs-a in an dap

Rap mogul, Sean 'Diddy' Combs-a in,Los Angeles leh Miami-a mi chu Thawhṭanni khan law enforcement-in an dapsak.

New York-a Homeland Security Investigation hian Diddy hi sex trafficking-a inhnamhnawiha puhna kaihhnawihah a chenna in hi an dapsak a ni. Nikum November thla khan Diddy hi a bialnu hlui, R&B singer Cassie chuan an in-date laia kutthlak, mipat hmeichhiat lam hawia tinawmnah leh sex trafficking lama inhnamhnawihah a puh a ni. Hemi hnu hian hmeichhe pahnihin Diddy hi damdawia hraia mipa hmeichhiat lam hawia mawi lo taka che leh, kutthlakah an rawn puh ve leh bawk. An puhna hi Diddy chuan thu dik lo niin a sawi ve thung a, mahse, hetianga puh a nih hnuah a media company, RevoltTV media company hnuaia a thawhpui eng emaw zat an inhnuhdawh phah avangin company chairman a nihna aṭangin a bang zui a ni. Law enforcement-in a in an dap lai hian a awm lo a, Florida lamah a awm a ni.