K-Drama star Lee Sang-yeob-a'n nupui a nei

South Korean actor lar, hit drama eng emaw zat nei, Lee Sang-yeob chuan March 24 khan nupui a nei.

Jamsil,Seoul-a wedding hall-a an inneihnaah hian chhungkhat leh ṭhian hnaite chauh a sawm a ni. Inneih lawmnaah hian 'Sixth Sense'-a a chanpui, Yoo Jae-suk chu MC a ni. A nupui hi celeb a ni ve hran lo a, a hming pawh an puangzar duh lo a, Lee nen hian hun rei tak an lo inngaizawng tawh a ni. Lee hian a Instagram-ah an inneih thlalakte pawh a post a, mahse, a nupui hmel erawh a tilang chiang lo. Lee hi drama eng emaw zatah a chang tawh a, heng zingah hian ‘Signal’ leh ‘While You Were Sleeping’ te a tel, hei bakah 'The Flu' leh 'The Day I Died' film-ah a chang bawk. Television show-ah pawh changin, 'Sixth Sense' chu khawvel huapin a lar a ni.