ṬHAZUAL FAKNA: Dr. Zova 'Ka Puang Zel Dawn' pakhatna a ni
Zonet Ṭhazual Fakna chart-ah Dr. Zova 'Ka Puang Zel Dawn' chu pakhatna a ni a, One in Christ ft. Isaac Hnamte 'Fak hla rimawi' chu pahnihna niin Crosscraft ft Fiona Pachuau 'Fak hla rimawi' chu pathumna a ni.
'Ka Puang Zel Dawn' hun a thleng
Dr Zova hla thar 'Ka Puang Zel Dawn' hi chart-ah a mikhual tawh lo a, chart-a a dihmun leh a hmasawn dan thlirin pakhatna a ni hi thilmak a ni lo.
Hun eng emaw chen a reh hnuah Dr Zova hian July thla khan 'Ka Puang Zel Dawn' hi a rawn tichhuak a, chart-ah inlan nghal thuaiin tunah chuan pakhatna a ni ta der a ni.
Rev Zoramsanga hla phuah 'Ka Puang Zel Dawn' hi tunlai ṭhalai mil tak hla a ni a, hla ṭha tak niin Pathian fakna chu chakna kan neih chhunga puang tur kan nihzia leh Pathian faka zai chu mihring lawmna ber a nih thu hlaa tarlanna a ni.
Pahnihna One in Christ ft. Isaac Hnamte
One in Christ ft. Isaac Hnamte 'Fak hla rimawi' chu pangana aṭangin pahnihnaah a rawn invawrh a, an dinhmun a ṭha chho zel a ni. Crosscraft ft Fiona Pachuau 'Fak hla rimawi' pawh parukna aṭangin pathumnaah a rawn invawrh bawk. Pahnihna leh pathumna pawh hi an dinhmun a ṭha chak hle a, Gospel singer kan neih ṭhat ber berte an ni bawk a, mipui lam pawhin an zai an ngaithla nasa hle tih a hriat.
Fakna chart-a lang an ṭha rual
Top 3 kan han tarlan takte hi tute nge an nih sawi ngai hran tawh lo ṭhiau an ni. Chart-a inlan dangte pawh inhmelhriat tir ngai lo, Zoram dung leh vanga zaithiam lar ber berte an ni hlawm.
Pensy 'Vengtu hmangaihna' chu palina a ni a, Mizo Idol Grace Lalchhanhimi 'Ka chanchin' chu pangana a ni bawk. Cindy Lalthanpuii, Amtea, Sawmtea, Stacy Punte leh Esther LR Khiangte-te pawh chart-ah top 10-ah hian an lang a. Ṭhazual fakna chart hi a hot chho telh telh dawn tih a hriat theih.