Tommy Lee-in kum khat zu a nghei tawh

Rockstar life dik tak chen zingah chuan Morley Crue drummer Tommy Lee hi sawi hmaih chi a ni awm lo e, chutih rual erawh chuan  Yahoo! Entertainment-in an kawmnaah kum khat dawn zu a nghei tawh tih a sawi mauh mai!

Tommy Lee chuan kar hnih hnu velah chuan kum khat chhung zu a nghei tawh dawn tih a sawi. A zu nghei dan chungchang chu sawiin a changin a nghei a, a in leh fo ṭhin ve tho thu a sawi a, mahse a nun dan chu thlak danglam duhna a nei tih a sawi a ni.

Inah awmin, tour-a a chhuah bawk si loh avangin zu a in ta chiam mai tih a sawi a, vodka gallon hnih lai mai ni khatahte a in tih sawiin chu a nundan chu ṭha lo a ti a, doctor-te pawh a pan hial hnuah a hriselna chu ṭha tho mah se zu nghei chu a hun tawh niin a hria  a ni.