Booma leh Mamoia Colney te kutah Rocka Rolla Awards

Hmarchhak biala music award lian ber nia sawi, Rocka Rolla Music Awards 2024 sem takah khan Mizoram aṭangin musician kan neih ṭhat pahnih, Booma Hangsing leh Mamoia Colney-ten award an dawng.

Booma Hangsing chuan Best Guitarist Award a dawng a, Mamoia Colney chuan Best Drummer Award a dawng a ni. Award semnaah hian an kal theih loh avangin an award hi an rawn thawn a, an kutah a awm tawh a ni. Booma hian Rocka Rolla Music Awards-ah vek hian kum 2021 khan Best Rock Guitarist award a lo dawng tawh a, hemi kum vek hian Sound From the Hills chuan Best Folk Fusion Band award an lo dawng tawh bawk.