Christopher Nolan leh a nupui chawimawi dawn

Film director Christopher Nolan leh a nupui, Emma Thomas te chu lemchan khawvel lama an thawh hlawk avangin chawimawi an ni dawn a, knighhood leh damehood hlan an ni dawn.

Tun thla tir lam khan Nolan hian Oppenheimer film avangin best director Oscar a dawng a, he film hi a nupui Thomas produce a ni bawk. Nolan hi a hmain Academy Awards parukah nominate a lo ni tawh a, mahse kumin hi Oscar a dawn hmasak ber a ni thung. A nupui Thomas nen hian Oppenheimer bakah Tenet, Dunkirk, Interstellar, The Dark Knight, The Prestige, Batman Begins, Insomnia leh Memento-ahte an thawk dun bawk. University College London-a an kal laiin an intawng a, kum 1997 khan inneiin fa pali an nei a ni.