Beyonce-i'n streaming record thar siam

Beyonce Knowles chuan a studio album thar, 'Cowboy Carter' hmangin Spotify-ah streaming record a siam.

March 29-a tih chhuah, Beyonce country album hian Spotify-ah kum 2024 chhunga ni khat chhunga stream ngah ber record a rawn siam nghal a, country album zingah he dinhmun thleng thei hmasa ber a ni bawk. He album-ah hian hla 27 awmin, heng zingah hian Dolly Parton, Miley Cyrus, Post Malone leh Willie Nelson a thawhpuina te a tel bawk. Tlangzarh a nih aṭanga darkar 24 chhungin Spotify-ah a hla hrang hrangte hian stream mtd 76.13 an nei hman a ni. Black female artist zingah Spotify-a che ṭha ber niin, Spotify-ah hmeichhe artist zingah album tlangzarh nia che ṭha ber parukna a ni pha bawk. Kum 2022, July thlaa 'Renaissance' album a tihchhuah khan darkar 24 chhungin stream mtd 43.2 a nei a ni. 'Cowboy Carter' hian Amazon Music-ah record siam bawkin, hmeichhe artist album zingah a ni khat nia stream ngah ber a ni bawk.