Billboard 200: No. 1 thar 'We Don't Trust You'

Billboard 200 album chart-ah no. 1 thar a awm a, Future leh Metro Boomin-te album thar, 'We Don't Trust You' chuan a chung ber a rawn luah.

'Turn On the Lights' rapper leh 'Mr Right Now' spitter-te thawh dunna album hi March 22-a an release a ni a, kar liam ta khan US-ah equivalent album unit 2,51,000 a nei. He album-a hla 17-te hian on-demand official stream mtd 324.31 hu neiin, album sale 4,500 an nei bawk.

Olivia Rodrigo "Guts" chu no. 18 aṭangin no. 2-ah a rawn invawrh chho bawk a, equivalent album unit 73,000 a nei. Hetih lai hian chart hmasaa no. 1 hauhtu, Ariana Grande 'Eternal Sunshine' chu no. 3-ah a tla thla a, equivalent album unit 72,000 a nei. Hun rei tak chart luahlum tawh, Morgan Wallen studio album pathumna, 'One Thing at a Time' chuan equivalent album unit 68,000 la neiin, no. 4-ah a awm. Noah Kahan 'Stick Season' chuan a dinhmun ngai, no. 5 a la luah chhunzawm bawk.

Billboard 200 album chart Top 10-ah hian Taylor Swift album pahnih, "Lover" leh "1989 (Taylor's Version)" te an la lang a, SZA 'SOS' bakah Zach Bryan self-titled album 'Zach Bryan' leh Hozier 'Unheard' te an lang bawk a ni.