Forbes-in world billionaire list tichhuak Billionaire list-ah Taylor Swift a lang ta

Forbes magazine chuan khawvela mi hausa tawntaw, world billionaire list, 2024 a tichhuak. List tihchhuaha a hausa zual 10 zinga pariat chu US mi an ni. Khawvela hausa ber chu French mi, Bernard Arnaut & family niin, an hausakna hi USD tld. 233 hu a ni. Elon Musk chu pahnihna niin USD tld. 195 hu a nei a, pathumnaah Jeff Bezos awmin USD tld. 194 a nei. Mark Zuckerberg chu palina a ni a, a hausakna hi USD tld. 177 hu a tling.

Forbes World Billionaire list tharah American pop star, Taylor Swift chu a ṭum khatna atan a lang ve ta. Ani bakah hian AI chatbot ChatGPT siamtu, Sam Altman a lang ve bawk. Swift hausakna hi USD tld. 1.1 leh, Altman hausakna hi USD tld. 1 hua chhut a ni.

Forbes chuan kum 2024-ah khawvel pumah billionaire 2,781 an awm tih a tarlang a, kum 2023 aiin 141-in an tam zawk. Billionaire-te hausakna belh khawm hi USD trillion 14.2 hu a tling a ni.