G-Dragon a rawn comeback dawn

Korean boy group, BIGBANG member G-Dragon chuan a rawn comeback thuai dawn tih a puang.

G-Dragon agency, Galaxy Corporation chuan hemi chungchang hi nimin khan puangin, kumin kum chanve velah G-Dragon hi a rawn comeback tawh dawn a, khawvel huap activity a rawn nei chho dawn a ni, a ti. G-Dragon hian nikum khan YG Entertainment chhuahsanin, Galaxy Corporation hi contract a ziahpui a ni. Hemi hnu hian activity ṭhenkhatah pawh inlanin, January thla khan Las Vegas-a Consumer Electronics Show (CES) 2024-ah a inlan a, Japan legendary rock band, X Japan leader leh drummer, Yoshiki nena an thawh dun tur thu pawh a puang zui bawk.